--------------------------------------------------------------------------------
حورا بين شايب وعجوز
تعالو اسمعوا الحوار
--------------------------------------------------------------------------------
الشايب :
قلبي شـباب ولازم إني أعـــــــــــــرس xxxxxxxxxxxxxxxxxxxxxxxx ما أبي العجوز اللي توسد على الــــــباب
الخير واجــــــد وأنا مـــــاني مفلـــــس xxxxxxxxxxxxxxxxxxxxxxxx عندي فلوس تدعم البـــــــنك بحـــــساب
العجوز:-
ما باقي منك غير خشــمك وهالضرس xxxxxxxxxxxxxxxxxxxxxxxx تبغي تعـــرس وأنت صاير كالغـــــراب
قابل صلاتك الله يشـــــفيك من المـــس xxxxxxxxxxxxxxxxxxxxxxxx وإلا ترى باطـــــب وجــــــهك بالتراب
الشايب:-
إنتي عجوز وأكـــــلك الروب والخس xxxxxxxxxxxxxxxxxxxxxxxx أما أنا ماكل ســـــــوى تــــــكة وكـــباب
مافيني سكر غير ضـــغطي نازل بس xxxxxxxxxxxxxxxxxxxxxxxx دام الهوى فيني ترى كل شي طـــــــــاب
العجوز:-
لا بارك الله في يالشــــايب يالنحـــــس xxxxxxxxxxxxxxxxxxxxxxxx ما يجيـــــبك الهرج ولا يجـــيبك عتاب
قصر لي صوتك مابي أسمع ولا حس ***** عطني طـــــلاقي وانقلع واقبــــض الباب
الشايب:-
دومك نحـــيسه وذا لســـــانك يبا قص xxxxxxxxxxxxxxxxxxxxxxxx ربي ترى حـــــلل لي أربع بالكــــتاب
هذا خـــــــــميس الأعمى يا كم عرس xxxxxxxxxxxxxxxxxxxxxxxx مرتاح بالدنيـــــا بلا هم واعصـــــــاب
العجوز:-
بطران وراســـــك كالصـــــخر يابس xxxxxxxxxxxxxxxxxxxxxxxxxxxx مالوم طبعك يوم ربـــــعك هالكـــلاب
صاير مثل ذيل الكلب وتتـــــــــــحيس xxxxxxxxxxxxxxxxxxxxxxxx استح على وجهــــــك أصـــلع ولعاب
الشايب:-
فكـــــيني من وجهك ترى مالي أي نفس xxxxxxxxxxxxxxxxxxxxxxxx زهقان من شـــوفك وأبغى لي احباب
هذا طلاقك طـــــــالق أربع وخـــــمس xxxxxxxxxxxxxxxxxxxxxxxx خذي طلاقك من ضميري بلا حساب
وتحياتي
(عاشقه مجهووله)
موضوع: حواار بين شاايب وعجووز (قصيده فكاهيه) 
الأربعاء يونيو 11, 2008 8:04 pm
